МАҶМӮАИ НАВИ ЗИЁ АБДУЛЛО

Душанбе, 6 январ. (АМИТ «Ховар», Лутфия Эшонқулова).-  Маҷмӯаи нави шеърҳои шоири маъруф  Зиё Абдулло таҳти унвони «Ҷоми симурғ» аз чоп баромад. Маросими муаррифии он 9 январ дар Итттифоқи нависандагони ҶТ баргузор мегардад. Дар он намояндагони илму фарҳанги пойтахт иштирок менамоянд. Дар маҷмӯаи «Ҷоми симурғ»  шеъру достонҳои беҳтарини солҳои охир офаридаи З. Абдулло гирд оварда шудаанд.           Мухбири АМИТ  «Ховар» хабар медиҳад, ки  Зиё Абдулло муаллифи маҷмӯаҳои зиёди шеъру достонҳо ва мақолаҳои илмию-оммавӣ мебошад. Намунаҳои беҳтарини ашъори ӯ ба забонҳои гуногун тарҷума шудаанд. Яке аз маҷмӯаҳои ашъори шоир дар Маскав бо номи «С единой болью» чоп шуда, дар  байни хонандагони рус мақоми намоён дорад.