НАҚШАИ БУҶЕТИ ШАҲР ДУ БАРОБАР ИҶРО ШУД

          Душанбе, 14 январ. (АМИТ «Ховар», Лаззат Диловарзод).- Дар ҳукумати шаҳри Ваҳдат ба мухбири АМИТ «Ховар»иттилоъ доданд, ки дар ду соли охир аз нигоҳи афзоиши ҳаҷми мутлақи ҷамъоварии андозҳо дар фаъолияти мақомоти андози шаҳр дигаргуниҳои зиёде ба амал омад. Мақомоти андози шаҳр ҳамасола нақшаи буҷети давлатиро барзиёд иҷро менамояд.         Дар соли 2008 нақшаи қисми даромади буҷети шаҳр яку якбора нисбат ба соли 2007 2,6 баробар зиёд шуда, ҷамъи даромадҳои маҳаллӣ ба буҷети шаҳр 17 млн. 218 ҳазор сомониро ташкил дод, ки нисбат ба соли 2007  -7млн. 559 ҳазор сомонӣ зиёд мебошад. Дар соли 2008 ҷамъи даромадҳои андози маҳаллӣ ва ҷумҳурӣ 25 млн. 668 ҳазор сомониро ташкил дод, ки он баробари 102 фоизи нақшаи пешбинишуда мебошад. Дар назар аст, ки соли 2009 танҳо даромади андози маҳаллӣ ба 25 млн. сомонӣ расонида мешавад.