ОЗМУНИ «КИЛКИ ТИЛЛОӢ»-И ИТТИФОҚИ ЖУРНАЛИСТОН

          Душанбе, 19 январ. (АМИТ «Ховар», Лаззат Диловарзод).- Ба ифтихори 50-солагии таъсиси созмони Иттифоқи журналистони Тоҷикистон, ки моҳи ноябри соли ҷорӣ дар шаҳри Душанбе таҷлил мегардад, озмуни васеи эҷодии рӯзноманигорон дар бахшҳои иқтисодиёт, иҷтимоиёт, сиёсат, фарҳанг, варзиш ва сайёҳӣ, тандурустӣ, экология, таърих, журналистика, илм ва публитсистика  гузаронида мешавад. Комиссияи интихобии озмун, матолиби ҷавобгӯйро барои баррасӣ ва интишор дар васоити ахбори оммаи ҷумҳурӣ ба ҳайати доварон пешниҳод менамояд. Озмун аз ибтидои соли 2008 оғоз ёфта, моҳи ноябри соли ҷорӣ дар рӯзи ҷашни солгарди Иттифоқи журналистони Тоҷикистон ҷамъбаст мегардад. Ғолибони озмун бо тӯҳфаҳои қимматбаҳо қадр карда мешаванд.