РОҲҲОИ ПОЙТАХТ АЗ ТАЪМИРИ АСОСӢ БАРОВАРДА ХОҲАНД ШУД

                                                                    Душанбе, 17 январ. (АМИТ «Ховар», Марзия Саидова).-Раиси шаҳри Душанбе Маҳмадсаид Убайдуллоев дар бораи баргузории тендер ҷиҳати таъмири асосии кӯчаҳои пойтахт қарор ба тасвиб расонд.        Тибқи ин қарор Комиссияи тендерӣ ҷиҳати интихоби пудратчии асосӣ барои сохтмони  роҳи автомобилгард аз кӯчаи Камонгарон (Заводская) то назди бинои Воҳиди махусуси Вазорати корҳои дохилии ҷумҳурӣ, таъмири асосии  қисмати ғарбии  роҳи автомобилгарди  кӯчаи Неъмат Қарабоев (аз хиёбони Саъдии  Шерозӣ то бурриши кӯчаи Ҷомӣ), таъмири асосии кӯчаҳои Бофанда, Мичурин, Мирзо Турсунзода, Лоиқ Шералӣ ва Титов таъсис дода мешавад.          Комиссияи мазкур муваззаф гардидааст, ки тибқи талаботи санадҳои меъёрию ҳуқуқии амалкунандаи ҷумҳурӣ эълон, баргузорӣ ва ҷамъбасти тендерро таъмин намояд. Комиссияи тендерӣ иштироки васеи ширкатҳои ватанию хориҷиро дар озмун бо назардошти  пешниҳоди ҳуҷҷатҳо  ва шартҳои он ба роҳ мемонад.