РОҲИ «ДУШАНБЕ-ТУРСУНЗОДА» ВАСЕЪ МЕГАРДАД

                  Душанбе, 30 январ. (АМИТ «Ховар», Лутфия Эшонқулова).- Барои васеъ намудани роҳи автомобилгарди Душанбе — Турсунзода то имрӯз 30 миллион доллари амрикоӣ ҳамчун грант ҷудо шудааст,- изҳор дошт, зимни нишасти матбуотӣ вазири нақлиёт ва коммуникатсияи ҶТ Абдураҳим Ашӯр. Ӯ қайд намуд, ки роҳи мазкур 66 километрро дар бар мегирад ва корҳои лоиҳакашии он аз декабри соли гузашта оғоз ёфтаанд. Бинобар иттилои вазир аз рӯи нақша то нимсолаи якум корҳои лоиҳакашӣ пурра ба анҷом расида, то охири сол ба сохтмони роҳ шурӯъ хоҳанд кард. Аз сабаби васеъ гардидани роҳ ба ҷои дигар кӯчонидани баъзе маҳаллаҳои аҳолинишини маркази Шаҳринав дар назар аст.