СӮХТОР ДАР ШАБИ СОЛИ НАВ

         Бангкок,  3  январ. (АМИТ «Ховар» — ИТАР — ТАСС). – Шаби  аввали   соли нав   дар  яке  аз клубҳои   шабонаи  пойтахти Таиланд – шаҳри  Бангкок   сӯҳтори  шадид  рух  дод. Дар  натиҷаи  сӯхтор  59  нафар ҳалок ва  бештар аз 200 нафар  маҷрӯҳ  шуд. Хабар   дода  мешавад, ки сӯхтор  зимни  зиёфати  идонаи солинавӣ   дар  клуб  ба амал омад. Сабабҳои он  то  ҳол   муайян  карда  нашудаанд.         Мақомоти  муҳофизи  қонун ба тафтиши  ин  воқеа  шурӯъ  намуданд. Табибон   ба  осебдидагон  кӯмаки  тиббӣ мерасонанд. Дар  байни  маҷрӯҳшудагон  шаҳрвандони  Австралия, Непал, Нидерландия  ва  Ҷопон  ҳастанд. Қайд  карда  мешавад, ки  шумораи  қурбониёни  ин  воқеаи  нохуш   бештар  гардида  метавонад, зеро  аҳволи  саломатии  бисёр  маҷрӯҳон  ниҳоят  вазнин  аст.