САРМУҲОСИБ ВА ХАЗИНАДОР БАРОИ АЗ ХУД НАМУДАНИ МАБЛАҒИ 221058 СОМОНӢ ДАСТГИР ГАРДИД

Душанбе, 13 январ. (АМИТ «Ховар», Мавҷуда Давлатзода).- Сармуҳосиби коллеҷи санъати шаҳри Хуҷанд Наима Шамсиддинова  ва хазинадори ҳамин муассиса Баҳриниссо Зокирова бо ҳам забон як карда, аз моҳи январи соли 2006 то моҳи декабри соли 2008 бо роҳи зиёд намудани ҷамъи маблағи варақаҳои пардохти музди меҳнати омӯзгорон, маблағи 221058 сомониро аз худ намудаанд. Аз маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба мухбири АМИТ «Ховар» иттилоъ доданд, ки Н. Шамсиддинова ва Б. Зокирова тибқи моддаи 245, қисми 4-и Кодекси ҷиноии Ҷумҳурии Тоҷикистон гунаҳгор дониста мешаванд. Нисбати онҳо аз тарафи шӯъбаи тафтишотии Раёсати Агентӣ дар вилояти Суғд тафтиш давом дорад.