СОХТМОНИ КАНАЛИ СЕБИСТОН ДАВОМ ДОДА МЕШАВАД

         Душанбе, 16 январ. (АМИТ «Ховар», Лаззат Диловарзод).- Соли 2009 дар ноҳияи Тоҷикобод даври дуюми сохтмони канали Себистон оғоз меёбад. Ба истифода додани канали мазкур имкон медиҳад, ки дар ноҳия боз 250 гектар замини нав азхуд карда шавад.          Картошкапарварони ноҳия таҷрибаи аз ҳар гектар ба даст овардани 270-300 сентнерӣ картошкаро доранд. Ба гуфти мардуми таҳҷоӣ, аз навъи картошкаи «Кардинал» аз заминҳои ин ноҳия то 500-550 сентнерӣ ҳосил гирифтан мумкин аст. Дар сурати ба истифода додани 250 гектар замини навкорам истеҳсоли картошка дар ноҳия ба 2,5-3 ҳазор тонна расонида мешавад. Дар баробари ба истифода додани замин,ҷойҳои нави корӣ пайдо гардида, садҳо нафар сокинони ноҳия ба корҳои истеҳсолӣ ҷалб хоҳанд шуд.