ТАРКИШИ МИНА ДАР САРҲАД
Душанбе, 3 январ. (АМИТ «Ховар», Анварбек Сиддиқов).- 27декабри соли 2008 тахминан соатҳои 15 дар ҳудуди деҳаи Айваҷи ноҳияи Шаҳритус, ки бо ҷумҳурии Афғонистон ҳамсарҳад аст, минаи зидипиёдагард таркид. Дар натиҷа марзбон Раҷаб Раҳимов (соли таваллудаш 1986), ҳангоми иҷрои вазифаи маҷрӯҳ шуд. Ҳоло ӯ дар беморхонаи ҳарбии қушӯнҳои сарҳадӣ табобат карда мешавад. Ба қавли духтурон, вазъи саломатии Р.Раҳимов хеле вазнин аст ва барои наҷоти ӯ аз тамоми тадбирҳои имконпазир истифода бурда мешавад.Тавре ба АМИТ «Ховар» аз Маркази Тоҷикистон оид ба Масъалаҳои минаҳо иттилоъ доданд, соли гузашта 13 нафар дар натиҷаи таркиши минаҳо ва моддаҳои дигари тарканда осеб дид, аз ҷумла 9 нафар маҷрӯҳ шуд ва 4 нафар ҳалок гардид. Дар байни онҳо 3 нафар наврас маҷрӯҳ ва 2 навраси дигар ҳалок гардид. Қайд карда шуд, ки аз соли 1992 инҷониб дар натиҷаи таркиши мина 443 нафар маҷрӯҳ ва 351 нафар ҳалок гардид. Гурӯҳҳои минакоб соли 2008 масоҳати зиёда аз 100 гектарро аз мина тоза карданд, ки назар ба соли 2007 якуним маротиба зиёд аст. Дар натиҷа соли 2008 5371 дона мина, 407 бомбаю снаряд, моддаҳои дигари тарканда, 66 бомбаи кассетӣ ва зиёда аз 4659 дона тири силоҳи сабук ошкор ва нобуд карда шуданд. Мухбири АМИТ «Ховар» хабар медиҳад, ки дар натиҷаи истифодаи усулҳои нави тадқиқот ва беҳтар сохтани сифати кор соли 2008 нисбат ба соли 2007 якуним маротиба зиёдтар минаҳо безарар гардонида шуданд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
