ТАЪСИРИ БӮҲРОНИ ҶАҲОНИИ МОЛИЯВӢ БА ВМКБ НИЗ РАСИД

        Душанбе,  6  январ. (АМИТ «Ховар»,   Жасмин  Назарова). – Дар  давоми   се  моҳи  охири  соли  2008  маблағи   ҳаволаи пул аз Федератсияи  Русия  ба  Вилояти  Мухтори  Қӯҳистони  Бадахшон  ду баробар  кам шуд. Сардори  шӯъбаи   назорати  фаъолияти  бонкҳои Бонки  миллии  ҷумҳурӣ  дар  шаҳри  Хоруғ  Зафар  Бахшиев  ба  АМИТ «Ховар»   хабар  дод, ки   айни  ҳол  24  ҳазор   сокини  вилоят  барои  мардикорӣ  ба  Федератсияи  Русия  рафтааст. Соли  2007  коргарони  муҳоҷир  аз Русия  ба  ВМКБ   бештар  аз  34  миллион  доллари  ИМА  фиристода  буданд. Ҳаҷми  маблағи  фиристодаи  онҳо   дар   давоми  11  моҳи   соли  2008 – ум  46  фоиз  кам  мебошад. Коршиносони  соҳаи  бонк  сабаби  инро оқибати  бӯҳрони  ҷаҳонии  молиявӣ  мешуморанд.