ТАЪСИСИ 679 АДАД ХОҶАГИҲОИ ДЕҲҚОНӢ

               Душанбе, 21 январ. (АМИТ «Ховар», Лаззат Диловарзод).- Дар нишасти матбуотие, ки дар Агентии заминсозӣ, геодезӣ ва харитасозии назди Ҳукумати ҷумҳурӣ баргузор гардид, директори он Маҳмадтоир Зокиров аз фаъолияти яксолаи кори Агентӣ ҳисобот дод.              Гарчи ҳисобот то дараҷае таҳлилӣ набуд, аммо рақамҳои овардашуда, аз кори хуби Агентӣ далолат мекард.Агентӣ дар соли 2008 дар ҳамкорӣ бо мақомоти иҷроияи маҳаллии ҳокимияти давлатӣ қарори Ҳукумати Ҷумҳурии Тоҷикистонро аз 26-уми январи соли 2008 «Дар бораи таҷдид ва ислоҳоти ташкилотҳои кишоварзӣ дар соли 2008» ба роҳбарӣ гирифта, дар асоси нақша таҷдид ва ислоҳоти 30 ташкилоту корхонаҳои кишоварзиро ба анҷом расонид. Дар заминаи хоҷагиҳои таҳти ислоҳот қарордошта, 679 адад хоҷагиҳои нави деҳқонӣ таъсис дода шуд.             Дар давоми фаъолияти яксолаи Агентӣ дар шаҳру ноҳияҳои ҷумҳурӣ 7560 ҳолати вайронкунии қонунгузории замин ошкор карда шуда, барои ислоҳи он ба идораҳои марбута санадҳо ирсол карда шудааст.