ҚУРБИ ДОЛЛАРИ ИМА ПОЁН РАФТ

                Душанбе, 12 феврал. (АМИТ «Ховар», Бекназари Абӯбакр). — 11 феврали соли равон вазъият дар бозори асъор бе тағйир боқӣ монд. Қурби миёнаи хариду фурӯши нақдии доллари ИМА дар бахши нақдӣ дар сатҳи 3,73 — 3,77 сомонӣ қарор дошт.                Аз маркази матбуоти Бонки миллии Тоӣкистон ба АМИТ «Ховар» иттилоъ доданд, ки дар бозори байнибонкии асъор зиёдшавии амалиётҳо ҳам дар ҷуфти «доллар — сомонӣ» ва ҳам дар ҷуфти «евро — сомонӣ» ба қайд гирифта шуд. Қурби доллари ИМА дар ин марҳила каме поён рафта, 3,7228 сомониро ташкил намуд, ҳол он ки  10 феврал қурби мубодилавии доллари ИМА ба 3,7317 сомонӣ баробар буд.               Гуфтанист, ки нишондиҳандаҳои мазкур, ҳамчунин ҳолати талабот ва пешниҳод дар бозори асъор тамоюли бомаром тақвият ёфтани қурби пули миллиро инъикос менамояд.