ҲАҶМИ ГАРДИШИ МУОМИЛОТИ МОЛ РӮ БА АФЗОИШ АСТ

               Душанбе, 14 феврал. (АМИТ «Ховар», Лаззат Диловарзод).-Бино ба маълумоти Вазорати рушди иқтисод ва савдои Ҷумҳурии Тоҷикистон, ҳаҷми гардиши мол дар соли 2008 миёни Ҷумҳурии Тоҷикистон ва Ҷумурии Исломии Эрон 216,2 миллион доллари амрикоиро ташкил дод, ки ин нисбат ба соли 2007 40 фоиз зиёд аст. Робитаҳои савдоӣ миёни ин ду давлат дар соҳаҳои гуногун беш аз пеш ривоҷ меёбанд.              Асосан аз Ҷумҳурии Ислмии Эрон ба Тоҷикистон равғани растанӣ, гандум, шакар, гӯшти мурғ, тухм, ҳамчунин сӯзишворӣ ворид карда мешавад.              Ҷумҳурии Тоҷикистон дар навбати худ ба Ҷумҳурии Исломии Эрон бештар маҳсулоти саноатӣ, аз қабили:алюминий, пилла,нахи пахта содирот менамояд.