ҲОДИСАҲОИ ФАВҚУЛОДА ДАР РЕСПУБЛИКА

                   Душанбе, 25 феврал. (АМИТ «Ховар» Жасмин Назарова). Тавре аз дафтари матбуоти Кумитаи давлатии ҳолатҳои фавқулода ва мудофиаи гражданӣ ба АМИТ «Ховар» хабар доданд, дар Вилояти Мухтори Кӯҳистони Бадахшон рӯзи 23 феврали соли ҷорӣ дар натиҷаи фаромадани тарма дар километрҳои 6, 7, 22, 34 ва 43 рохи Хоруғ-Ишкошим, километри 411 Шохроҳи Душанбе-Xopyғ дар мавзеи Шодмони ноҳияи Дарвоз, роҳи автомобилгард баста шуд.                   Айни ҳол аз сабаби бад будани боду ҳаво ва хавфи фаромадани тарма корҳои тозакунӣ ғайриимкон аст.                   Барои бартараф кардани ҳодиса техникаи хадамоти нақлиёти ноҳияи Варзоб ва 4 адад техникаи Ширкати хитоии «Chinа road» сафарбар карда шудаанд. Бо кумаки наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон одамон ба ҷои бехавф интиқол дода шуда, аз тарафи Кумита ба онҳо хӯрока расонида шуд.                  Корҳои бартарафсозӣ идома дорад. Талафоти ҷонӣ ба қайд гирифта нашудааст.                  Дар минтакаи Рашт бошад, тибқи иттилои дастрасгардида дар натиҷаи боришоти зиёди барфу борон 12 хоҷагии ноҳияи Рашт зарар дид.                 Комиссияи ҳолатҳои фавқулодаи ноҳия мазкур барои муайян намудани ҳаҷми хисорот фаъолият карда истодааст.