ҲУҶУМИ «ТОЛИБОН» БА МУАССИСАҲОИ ҲУКУМАТӢ ДАР КОБУЛ

                 Кобул, 12 феврал. АМИТ «Ховар» — Евронюс). — Силоҳбадастони ҷунбиши «Толибон» субҳи рӯзи чоршанбе ба гурӯҳҳои алоҳида тақсим шуда, дар маркази пойтахти Афғонистон — шаҳри Кобул якбора ба чанд муассисаи ҳукуматӣ ҳамла оварданд. Дар натиҷаи ин ҳуҷум 26 нафар ҳалок ва қариб 60 нафар маҷрӯҳ шуд. Инчунин, 7 нафар террористи фидоӣ кушта шуд.                Ҷунбиши «Толибон» масъулияти ин ҳуҷумҳоро ба зиммаи худ гирифт. Шореҳони сиёсӣ ба он таваҷҷӯҳ зоҳир менамоянд, ки амалиёти мазкур як рӯз пеш аз сафари намояндаи махсуси Президенти ИМА Ричард Холбрук ба Кобул анҷом дода шуд. Баъзе коршиносон изҳор мекунанд, ки амалиёти дирӯз дар Кобул анҷомдодашуда аз бисёр ҷиҳат ба амалиёти террористии дар маркази вилояти Мумбаи Ҳиндустон суратгирифта шабоҳат дорад.                                                                                                                                   Тарҷумон — Қудратов А.