ҶИНОЯТ БА ХОТИРИ 600 ДОЛЛАР

                 Душанбе, 4 феврал. (АМИТ «Ховар», Мавҷуда Давлатзода).- Сокини кӯчаи Маяковкийи ноҳияи Синои пойтахт Мирзо Қодирови 26-сола ба Шӯъбаи корҳои дохилии ноҳияи Сино-1-и пойтахт бо ариза муроҷиат намуда, шикоят кард, ки 2 феврали соли ҷорӣ тақрибан соатҳои 20 Баҳром ном шахс бо ду рафиқаш ба хонаи ӯ даромада, ӯро лату кӯб намуда 600 доллари ИМА-ро гирифта мераванд.                 Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки дар натиҷаи бурдани чораҳои фаврӣ-ҷустуҷӯӣ муайян карда шуд, ки ин ҷиноятро Баҳром Лоиқови 33-сола содир намудааст.                  Нисбати ҳодисаи мазкур парвандаи ҷиноӣ боз гардида, тафтиш идома дорад.