АФЗОИШИ ТАВАЛЛУД ДАР КӮЛОБ

               Кӯлоб, 3 феврал. (АМИТ «Ховар», Сулаймон Холов). — Дар давоми соли 2008 дар таваллудхонаи минтақавии шаҳри Кӯлоб 1 ҳазору 969 кӯдак таваллуд шудааст, ки нисбат ба соли 2007-ум 171 нафар зиёд аст. Аз ин шумора 21 нафар дугоникҳо мебошанд.                Ба ақидаи сардухтури беморхонаи вилоятии Кӯлоб Анварби Сафарова афзудани шумораи таваллудшудагон ин зиёд издивоҷ кардани ҷавонон буда, аз шумораи умумии таваллуд кардагон 90 фоизаш ҷавонони навтаваллудкунанда мебошанд.                Бояд гуфт, ки ҷиҳати дастгирии оилаҳои камбизоат аз ҷониби Вазорати тандурустии кишвар ба ин беморхона 2 ҳазору 750 сомонӣ ҷудо гаштааст.                 Роҷеъ ба мушкилоти беморхона А. Сафарова гуфт, ки мунтазам қувваи барқ хомӯш карда мешавад ва истифодаи муҳаррикҳои дизелӣ он қадар мақсаднок нестанд.