АНДЕШАҲО ДАР АТРОФИ «КАҲДУДИ СӮЗОН»

                       Душанбе, 4 феврал. (АМИТ«Ховар», Лутфия Эшонқулова).- Имрӯз дар Иттифоқи нависандагони Тоҷикистон китоби нави нависандаи тоҷик Саидаҳмад Зардон таҳти унвони «Каҳдуди сӯзон» муаррифӣ гардид. Дар он аҳли илму адаби ҷумҳурӣ ва ёру дӯстони нависанда иштирок намуда, доир ба китоби мазкур андешаронӣ намуданд.                       «Каҳдуди сӯзон»- дар жанри роман навишта шуда, дар бораи воқеаҳои солҳои 90-ум, оворагардӣ, сарсонию саргардонии мардуми тоҷик баъди ҷанги шаҳрвандӣ ҳикоят мекунад.                       С. Зардон аслан ҳаҷвнигор буда, дар ин жанр роману ҳикояҳои зиёд навиштааст.