АЗ ПАРДОХТИ АНДОЗ ОЗОД КАРДА МЕШАВАНД

                  Душанбе, 9 феврал, (АМИТ «Ховар», Лаззат Диловарзод).- Тибқи моддаи 12-и Қонун «Дар бораи Буҷети давлатии Ҷумҳурии Тоҷикисон» фармоишгарон ва пудратчиёни асосӣ оид ба сохтмони меҳмонхонаи «Исмоли Сомонӣ» воқеъ дар хиёбони Рӯдакӣ, меҳмонхонаи «Сирена» дар хиёбони Рӯдакӣ, Маркази фарҳангии Осиёи Миёна воқеъ дар хиёбони Исмоили Сомонӣ, бинои маъмурӣ бо меҳмонхона дар кӯчаи Айнӣ, меҳмонхонаи панҷситорадор дар кӯчаи Айнӣ ва корхонаи ресандагию бофандагӣ бо сехи рангубор дар шаҳри Душанбе, иншооти соҳаи маориф, ки минбаъд ройгон ба моликияти Ҷумҳурии Тоҷикистон гузаронида мешаванд,аз пардохти андоз аз арзиши иловашуда, андоз аз истифодабарандагони роҳи автомобилгард, андоз аз фоидаи шахсони ҳуқуқӣ, андоз аз ҳадди ақал аз даромад, андози иҷтимоӣ аз шахсоне, ки шаҳрванди Ҷумҳурии Тоҷикистон намебошанд, озод карда мешаванд.                   Ин тадбир дар рушди соҳибкорони ватанӣ ва хориҷӣ мусоидат хоҳад кард.