АЗ ВАЪДАБОЗҲО ҲАМ ПУРСИДА ШАВАД

                      Душанбе, 14 феврал. (АМИТ «Ховар», Лаззат Диловарзод).- Ҳанӯз моҳи майи соли гузашта дар чанд рӯзномаҳои давлатию ғайридавлатӣ оид ба масъалаҳои замистонгузаронӣ аз ҷаласаҳои шаҳрдорӣ маводҳои зиёде нашр шуда буд ва ин мавзӯъҳоро саривақтӣ донистем,-мегӯянд сокинони чанд маҳаллае, ки имрӯз нафақат барқро тариқи «лимит» ҳам намегиранд, балки оби гарму хунукро аз бухори Маркази гармидиҳи (ТЭС)-и шаҳру оби хунукро аз қубурҳои кафидаи Идораи обу корез ҷорӣ шуда дида, ангушти ҳайрат мегазанд.                     -Охир ҳайратовараш он аст, ки,- мегӯянд сокинони ноҳияи Фирдавсӣ, бо гузашти сари ҳар чанд вақт, тавассути радиою телевизион аз надоштани маводи иттилоотӣ бошад ё фармоишӣ, ки наттоқонашон:- «Дар ҷаласаи шаҳрдорӣ таъкид гардид, ки имсол ба сокинони шаҳр хидматрасонии маишӣ рӯ ба беҳбудӣ оварда, мардум бо оби ошомиданӣ ва оби гарм дар мавсими тирамоҳу зимистон бе таъхир таъмин мегарданд»-ро такрор ба такрор мехонанд.                    -Мутаассифона аз ибтидои соли ҷорӣ низ чун солҳои пеш ба ҷуз ваъда чизи дигареро надидем,- мегӯянд сокинони маҳаллаҳои 103- 104 ва назди вокзали шаҳри Душанбе.                    -Ҳоло мутасаддиёни ваъдабози шаҳрдорӣ тибқи Фармони Президенти кишвар «Дар бораи вокуниши шахсони мансабдор ба маводҳои танқидӣ ва таҳлилии васоити ахбори омма» чӣ гунна вокуниш мекарда бошанд, инаш бароямон аҷибтар хоҳад буд,-афзуданд онҳо дар ин як сӯҳбати сарироҳӣ ба мухбири АМИТ «Ховар».