БА ТОҶИКИСТОН КӮМАК РАСОНИДА МЕШАВАД

                   Душанбе, 7 феврал. (АМИТ «Ховар», Лаззат Диловарзод).- Бино ба маълумоти намояндаи ташкилоти озуқа ва кишоварзӣ(ФАО)-и Созмони Милали Муттаҳид дар Тоҷикистон, ба хотири мусоидат дар рафъи норасоии маводи ғизоӣ дар Ҷумҳурии Тоҷикистон тасмим гирифта шудааст, ки барои 2 миллион аҳолии камбизоати Тоҷикистон беш аз 91 ҳазор тонна маводи ғизоӣ аз ҷониби ташкилоти мазкур ворид карда шавад. Тавассути ин ташкилоти байналмилалӣ 4,7 миллион доллари амрикоӣ, ки аз ҷониби давлати Ҷопон барои дастгирии аҳолии камбизоати Тоҷикистон ҷудо гардидааст, маводи ғизоӣ, аз ҷумла орд, равған, шакар ва ғайра харидорӣ ва дастраси мардуми камбизоти ҷумҳурӣ гардонида мешавад.