БОНКИ РУШДИ ТОҶИКИСТОН БАРОИ ХАРИДАНИ МОШИН ҚАРЗ МЕДИҲАД

                      Душанбе, 11 феврал. АМИТ «Ховар», Покиза Маҳмадбекова ). — Бонки рушди Тоҷикистон соли 2008 ба мизоҷонаш барои харидани мошин ба маблағи 1 миллиону 271 ҳазору 592 сомонӣ қарз додааст. Сабаби афзудани мароқи мизоҷон барои гирифтани қарз бо мақсади харидани мошини сабукрав ба он вобаста мебошад, ки имрӯз тамоми навъҳои мошинро бо қарзи дарозмуддат дастрас намудан мумкин аст. Бонки рушди Тоҷикистон айни ҳол бо мағозаҳои фурӯши мошини Ҷамъиятҳои саҳҳомии «Ҷаҳонгир», «Тоҷиктранскар» ва «Тоҷик — Тойота» ҳамкорӣ мекунад.                      Маъмурияти бонк чанд рӯз пеш бо намояндаи расмии ширкати «Митсубиси Моторс» — и Ҷамъияти саҳҳомии «Мастерхаус» — и Олмон қарордоди ҳамкорӣ имзо намуд. Мувофиқи қарордоди мазкур, Бонки рушди Тоҷикистон ба мизоҷонаш барои ба ивази қарзи дарозмуддат харидани мошинҳои тамғаи «Митсубиси» қарз медиҳад.