ЧОҲИ ГАЗ БА ИСТИФОДА ДОДА ШУД

                Кӯлоб, 3 феврал. (АМИТ «Ховар», Сулаймон Холов). — Бо талошҳои пайвастаи Ҳукумати ҷумҳурӣ ва саъю кӯшиши «Кӯлобгаз» як чоҳи гази Кони «Хоҷасартез» ба истифода дода шуд, ки дар натиҷа аҳолии шаҳри Кӯлоб ва корхонаҳои минтақа бо гази худӣ таъмин гардиданд. Дар баробари ин, нуқтаҳои нави фурӯши гази табиӣ ба роҳ монда шудааст, ки аҳолии минтақа метавонанд аз он фаровон истифода баранд.                 Мавриди зикр аст, ки дар баробари саъю кӯшишҳои «Кӯлобгаз» то ҳол мушкили ҷамъоварии маблағҳои пардохти ҳақи газ ҷой дорад. Соли 2008 аҳолӣ ва корхонаҳои хишти шаҳри Кӯлоб нисбат ба соли 2007 якчанд маротиба зиёд қарздор монданд.