ДАР ДУШАНБЕ ЯРМАРКАИ НИҲОЛУ ГУЛ БАРГУЗОР МЕГАРДАД

                  Душанбе, 3 феврал. АМИТ «Ховар», Таҳмина Ғоибназарова). — Нимаи аввали моҳи феврал дар пойтахти ҷумҳурӣ ярмаркаи сеюми байниминтақавии ниҳоли дарахтони ороишиву мевадиҳанда ва гулҳо гузаронида мешавад. Дар ярмарка кормандони ҳамаи гулхонаю гармхона ва хоҷагиҳои ниҳолпарварии мамлакат ширкат меварзанд.                   Рӯзҳои фаъолияти ярмарка шӯрои машваратӣ ташкил карда мешавад, ки дар ин ҷо ба хоҳишмандон дар бораи роҳу усулҳои парвариши гулу ниҳолҳо маслиҳатҳои муфид дода хоҳад шуд. Корхонаю ташкилотҳо ва хоҷагиҳо бо иштирокчиёни ярмарка дар бораи хариду фурӯши гулу ниҳол шартнома имзо карда метавонанд.  Ҳадафи асосии ташкили ярмарка сабзу хуррам гардондани маҳалҳои пойтахт ва шаҳру ноҳияҳои мамлакат мебошад.                                                                                                                                                               Тарҷумон — Қудратов А.