ДАР ПОЙТАХТ НАШЪАҶАЛЛОБ ДАСТГИР ШУД

                   Душанбе, 17 феврал. (АМИТ «Ховар», Мавҷуда Давлатзода).- Кормандони Шӯъбаи корҳои дохилии ноҳияи И.Сомонии пойтахт бо гумони даст доштан ба гардиши ғайриқонунии маводи нашъадор сокини кӯчаи Шапкини ноҳияи И.Сомонӣ Хушмаҳмад Остонаеви 28-соларо дастгир намуданд.                  Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки кормандони мазкур ҳангоми гузаронидани чораҳои фаврӣ-ҷустуҷӯӣ дар хиёбони Дустии халқҳо-и назди заводи пивобарории шаҳри Душанбе шаҳрванд Х.Остонаевро дастгир намуданд, ки ҳангоми азназаргузарони аз ӯ қариб 1 килограмм героин дарёт ва мусодира карда шуд.                 Нисбати ин ҳодиса парвандаи ҷиноӣ боз гардида, тафтиш идома дорад.