ДАВРАИ НАВИ ҲАМКОРИҲО ОҒОЗ ЁФТ

                   Душанбе, 20 феврал. (АМИТ «Ховар», Лаззат Диловарзод).- Маҷлиси намояндагони Маҷлиси Олии Ҷумҳурии Тоҷикистон Созишномаи байни Ҳукумати Ҷумҳурии Тоҷикистон ва Ҷумҳурии Халқии Хитойро оид ба ҳамлу нақли байналмилалии автомобилӣ, ки 27-уми августи соли 2008 дар шаҳри Душанбе ба имзо расида буд, тасдиқ намуд.                 Боиси тазаккур аст, ки дар ҷодаи ҳамлу нақли автомобилӣ ҳамкории ҷумҳуриямон бо Ҷумҳурии Халқии Хитой шоистаи таҳсин аст.                 Созишномаи мазкур, баҳри интиқоли бору мол ва мусофиркашонӣ тавассути нақлиёти автомобилӣ байни ин ду кишвар давраи нави ҳамкориро оғоз намуд.                  Дар кӯчаҳои шаҳру навоҳии ҷумҳурӣ, аз ҷумла дар шаҳри Душанбе беш аз 2 ҳазор мошинҳои мусофиркашонии тамғаҳои «Дамас», «Чанху» ва «Хафей» ба мардуми пойтахт хизмат мерасонанд, ки аз натиҷаҳои самарабахши ҳамин Созишнома аст.