ФАЪОЛИЯТИ ГАРМХОНАҲО ЧАНДОН НАЗАРРАС НЕСТ

                    Душанбе, 10 феврал. (АМИТ «Ховар», Лаззат Диловарзод).- Бино ба суханони сардори шӯъбаи меваю сабзавот, картошкапарварӣ ва хӯроки чорво Нуриддин Зардиев, соли 2009 хоҷагиҳои ба кори гармхонаҳо машғул мебоист дар масоҳати 60,04 гектар бодирингу помидор кишту парвариш мекарданд. Аммо, чунон ки санҷишҳо нишон дод, дар ҷумҳурӣ ҳамагӣ дар масоҳати 47,87 гектар гармхонаҳо сохта ба истифода дода шудааст. Дар ин гармхонаҳо дар масоҳати 19,3 гектар бодиринг ва дар 10,74 гектар помдор кишт карда шудааст.                    Коргарони гармхонаҳои вилояти Хатлон ба ҷамъоварии помидору бодиринг ба таври муташаккилона шурӯъ карданд. Ҳоло аз гармхонаҳои ин вилоят 6 тонна помидор ва 14,5 тонна бодиринг ҷамъоварӣ ва ба бозорҳои чумҳурӣ ба фурӯш баоварда шудааст.