КӮМАК БА МАКТАБҲОИ НОҲИЯҲОИ НАЗДИСАРҲАДӢ

                    Душанбе, 9 феврал. АМИТ «Ховар», Людмила Дубинина). — Рӯзҳои наздик ба талабагони 50 мактаби таҳсилоти ҳамагонии ноҳияҳои наздисарҳадии Тоҷикистону Қирғизистон қарзҳои хурд дода хоҳанд шуд. Талабагон ин қарзҳоро барои амалӣ сохтани барномаҳои ҷалби ҳамсолонашон ба ҳалли масалаҳои гуногуни хоҷагидорӣ, таҳсил ва проблемаҳои дигари мактабҳо истифода мебаранд. Дар ин бора ба АМИТ «Ховар» аз созмони ғайриҳукуматии «Водии сулҳ» хабар доданд. Қарз ба талабае дода мешавад, ки барои иҷрои барнома ариза дода, дар мавзӯи «Водии Фарғона — маъвои умумии мо» пешниҳодоти ҷолиб ба миён мегузорад.                    Комиссияи коршиносон аз ҷумлаи намояндагони созмонҳои ҷамъиятӣ барномаҳои беҳтаринро интихоб мекунад. Ҳадафи ин иқдом тарбияи роҳбарони ояндаи мақомоти идораи маҳаллӣ ва дар рӯҳияи эҳтирому ба ҳисоб гирифтани ақидаи ҳамсолонашон тарбия намудани талабагон аз мамлакатҳои ҳамсоя мебошад.Тарҷумон — Қудратов А.