КОНСЕРТИ ШАБНАМ ВА ҶОНИБЕК

              Душанбе, 6 феврал. (АМИТ «Ховар», Бекназари Абӯбакр). — Шоми имрӯз, 6 феврал дар толори Донишкадаи «Квинс»-и шаҳри Ню-Йорки ИМА консерти ду овозхони эстрадаи тоҷик Шабнами Сурайё ва Ҷонибек Муродов баргузор мегардад.               Ёдовар мешавем, ки сафари ҳунарии ин ду овозхон ба Амрико 31 январ бо баргузории як консерт дар шаҳри Венаи аёлати Вирҷиния оғоз ёфт. Пас аз ин консерт Шабнами Сурайё ва Ҷонибек Муродов дар Лос-Анҷелес ва Сан-Хосе ду консерти дигар доир хоҳанд кард.               Бояд гуфт, ки сафари ҳунарии Шабнаму Ҷонибек ба Амрикоро ширкати «Трайвижн студио» ташкил кардааст.