МӮҲЛАТИ ПАРДОХТИ ҚАРЗҲОИ ПАХТАКОРОН БА ТАЪХИР ГУЗОШТА МЕШАВАД

                       Душанбе, 3 феврал. (АМИТ «Ховар», Лаззат Диловарзод).- Бино ба гуфти вазири кишоварзӣ Қосим Қосимов, Вазорати молияи ҷумҳурӣ лоиҳаи қарори Ҳукумати Ҷумҳурии Тоҷикистонро «Дар бораи ба таъхир гузоштани мӯҳлати пардохти қарзҳо аз рӯи андозҳо, пардохтҳои иҷтимоӣ, ҳизматрасонии қувваи барқ ва об» таҳия ва барои мувофиқа ба мақомоти дахлдор пешниҳод карда шудааст.                      Тибқи лоиҳаи мазкур, мӯҳлати пардохти карзҳои то 1-уми январи соли 2009 бавуҷудомадаи хоҷагиҳои пахтакори ҷумҳурӣ то 1-уми январи соли 2029, яъне ба муддати 20 сол ба таъхир гузошта мешава д.                      Боиси ёдоварист, ки қарзи хоҷагиҳо дар назди сармоягузорони дохилию хориҷӣ дар соли 2008 ба 488,5 млн. доллари амрикои баробар аст.