М.АСРОРӢ ДАР МАШВАРАТИ ВАЗИРОНИ ФАРҲАНГИ ДАВЛАТҲОИ АЪЗОИ СҲШ ШИРКАТ МЕ

                 Душанбе, 24 феврал. АМИТ «Ховар», Таҳмина Ғоибназарова). — Вазири фарҳанги ҷумҳурӣ Мирзошоҳрух Асрорӣ моҳи апрел дар машварати шашуми вазирони фарҳанги давлатҳои аъзои Созмони Ҳамкории Шанхай иштирок хоҳад кард. Бояд гуфт, ки мулоқоти мазкур ҳар сол дар яке аз мамлакатҳои узви созмон баргузор мегардад. Машварат соли равон дар шаҳри Қазон гузаронида мешавад.                 Дар он мавзӯи «Анъанаҳои фарҳангии миллӣ ва ҷавонон» мавриди баррасӣ қарор дода хоҳад шуд. Ғайр аз ин ҷараёни иҷрои нақшаҳои ҳамкорӣ дар байни мамлакатҳои аъзои созмон муҳокима карда мешавад. Рӯзҳои баргузории мулоқот дар шаҳри Қазон намоишгоҳи асарҳои рассомони тоҷик ташкил карда хоҳад шуд.