М. ИЛОЛОВ ДАР МАҶЛИСИ ШӮРОИ БАЙНАЛХАЛҚИИ ИЛМӢ ШИРКАТ ВАРЗИД
Душанбе, 24 феврал. АМИТ «Ховар», Олег Соболев). — Раиси Академияи илмҳои Тоҷикистон Мамадшо Илолов чанд рӯз пеш аз шаҳри Триестаи Италия баргашт. Вай дар ин ҷо дар маҷлиси Шӯрои байналхалқии ҳамкории академияҳои илмӣ ширкат варзид. Шӯрои мазкур айни ҳол 125 академияи илмҳо ва марказҳои дигари илмии 75 мамлакати ҷаҳонро муттаҳид менамояд. Дар маҷлис масъалаи интихоби аъзоёни нави Шӯрои байналхалқӣ, инчунин нақши муассисаҳои илмӣ дар такмили фаъолияти сохторҳои давлатию ҷамъиятӣ баррасӣ карда шуд. Академик М.Илолов зимни сӯҳбат бо мухбири АМИТ «Ховар» дар бораи таассуроти сафараш нақл карда, зикр намуд, ки академияҳои илмӣ муассисаҳои анъанавии илмӣ буда, дар саросари ҷаҳон манбаи дастовардҳои олии илмӣ шуморида мешаванд. Онҳо мавзӯъҳои навтарини илмиро таҳқиқ намуда, барои истифодаи онҳо дар истеҳсолот тавсияҳо пешниҳод мекунанд. Айни ҳол ба ин нақши академияҳои илмӣ аз нуқтаи назари замони ҳозира баҳо додан лозим аст. Мо бояд аъзои нави академияҳои илмиро интихоб намуда, таваҷҷӯҳи ҷомеаро ба илм ҷалб карда, ҷавонони боистеъдоди ба фаъолияти илмӣ сафарбар кунем. Дар маҷлис масъалаҳои ҷустуҷӯ кардан ва ёфтани роҳу воситаҳои самарабахши амалӣ сохтани дастовардҳои илмӣ ва беҳтар сохтани ҳамкорӣва муносибати муассисаҳои илмиро бо вазорату идораҳо ва ташкилотҳои ҷамъиятӣ мавриди баррасӣ қарор гирифтанд. Дар шароити мураккаби имрӯза ва бӯҳрони ҷаҳонии молиявӣ нақши академияҳои илмӣ дар идораи иқтисодиёт, молия ва мавриди истифода қарор додани технологияҳои нисбатан мукаммал барои ҳалли проблемаҳои мавҷуда аҳамияти бузург дорад, гуфт М.Илолов. Тарҷумон — Қудратов А
Имрӯз дар ноҳияҳои кӯҳии Тоҷикистон ҳаво то 31 дараҷа гарм мешавад
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
