МАҲДУДКУНИИ РЕҶАИ ИНТИҚОЛИ БАРҚ ЗИЁД КАРДА ШУД

               Душанбе Душанбе, 10 феврал. (АМИТ «Ховар», Марзия Саидова).-Тибқи тағйирот дар асоси ҷадвали пешниҳоднамудаи ШСХК «Барқи тоҷик», муроҷиати иловагии он аз 6 феврал ва Қарори марбутаи Раиси шаҳри Душанбе дар маҳаллаю шаҳракҳои пойтахт то ба эътидол омадани вазъ дар системаи энергетикии кишвар ҳамарӯза ба истиснои иншооти ҳаётан муҳим дар минтақаҳои алоҳидаи пойтахт рӯзона аз соати 9 то 16 ва шабона аз соати 23 то 5-и субҳ интиқоли нерӯи барқ муваққтан қатъ карда мешавад.                Зимнан, Роҳбарияти Мақомоти иҷроияи ҳокимияти давлатии шаҳри Душанбе аз ҳамаи сокинон, роҳбарони тамоми субъектҳои хоҷагидори пойтахт, иттиҳодияҳои ҷамъиятӣ хоҳиш менамояд, ки нисбати ин тадбири иҷбории андешидашуда бо ҳусни тафоҳум муносибат намуда, истифодаи сарфакоронаи нерӯи барқро риоя намоянд. Дар ин хусус ба АМИТ «Ховар» котиби матбуотии Раиси шаҳри Душанбе Шавкат Саидов хабар дод.