МАЛИКШО НЕЪМАТОВ ПРЕЗИДЕНТ ИНТИХОБ ШУД

                 Душанбе, 3 феврал. (АМИТ «Ховар», Пайрав Назаров). — Раиси Кумитаи кор бо ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов президенти Федератсияи таэквондои намуди ВТФ интихоб шуд.                  Дар Кумитаи кор бо ҷавонон, варзиш ва сайёҳии назди Ҳукумати ҶТ ба АМИТ «Ховар» хабар доданд, ки 2 феврал дар шаҳри Душанбе ҷаласи интихоботиву ҳисоботии Федератсияи таэквондо баргузор гардид, ки дар он тариқи овоздиҳӣ Маликшо Неъматов президенти Федератсияи таэквондо (ВТФ) интихоб шуд.                  Аз рӯи барномаи кории Маликшо Неъматов, мақсади асосӣ ин омавӣ намудани ин варзиш дар кишвар ва сафарбар кардани варзишгарон ба мусобиқаҳои байналмилалӣ ва ҷаҳонӣ аст.