МУҲОКИМАИ МАСЪАЛАҲОИ ТАҚВИЯТИ МУБОРИЗА БА МУҚОБИЛИ МАВОДИ НАШЪАДОР

                  Душанбе, 26 феврал. (АМИТ «Ховар», Наргис Бояхмедова).- Имрӯз дар шаҳри Алмаато маҷлиси нахустини Шӯрои ҳамоҳангсозони миллии давлатҳои аъзои Маркази иттилоотию ҳамоҳангсозии тадбирҳои тақвияти мубориза ба муқобили хариду фурӯши ғайриқонунии маводи нашъадор дар Осиёи Марказӣ баргузор гардид. Дар он директори Агентии назорати маводи нашъадори Ҷумҳурии Тоҷикистон Рустам Назаров ширкат варзид. Дар маҷлиси Шӯро самтҳои асосии фаъолияти марказ дар давоми ду соли оянда муаяйн намуда, сохтор ва теъдоди кормандони он тасдиқ карда шуданд.                   Шӯро мақоми намояндагии Фаронса, Финляндия, Италия, ИМА ва Интерполро дар марказ маъқул донист. Маркази мазкур айни ҳол Озарбойҷон, Қазоқистон, Қирғизистон, Русия, Тоҷикистон, Туркманистон ва Ӯзбекистонро муттаҳид месозад.                   Вазифаи асосии марказ ҳамоҳанг сохтани фаъолияти мақомоти салоҳиятдори давлатҳои аъзо дар мубориза ба муқобили ҷиноятҳои байналхалқию минтақавӣ мебошад.Тарҷумон — Қудратов А