МУҲОКИМАИ МАСЪАЛАҲОИ ТАНЗИМИ БОЗОРИ ИСТЕЪМОЛӢ

                 Душанбе, 20 феврал. АМИТ «Ховар», Кристина Эрлих ). — Дар шаҳри Душанбе машварати роҳбарону мутахассисони Иттиҳодияи «Тоҷикматлубот», Агентии «Тоҷикстандарт» ва ҷамъиятҳои матлуботу бозорҳои навоҳии тобеи марказ баргузор гардид. Дар он масъалаҳои муҳимтарини марбут ба бартараф сохтани камбудиҳои мавҷуда дар фаъолияти бозорҳо, пешгирии ба фурӯш баровардани маҳсулоти пастсифат, ҳифзи ҳуқуқи истеъмолгарон ва ғайра муҳокима шуданд. Қарор қабул карда шуд, ки дар ҳамаи бозорҳои калонтарини мамлакат барои санҷиши маводи хӯрока озмоишгоҳҳои махсус ташкил намуда, онҳо бо асбобҳои андозагир таъмин карда шаванд.                  Қайд карда шуд, ки бо кӯмаки Ҳукумати ҷумҳурӣ соли гузашта дар агентии «Тоҷикстандарт» ва муассисаҳои тобеи он 20 озмоишгоҳ ба истифода дода шуд. Агентии «Тоҷикстандарт» барои ҳифзи бозори мамлакат аз маҳсулоти пастсифат соли 2009 — ро соли танзими фаъолияти бозори истеъмолӣ эълон кардааст.