МУБОРИЗА БАР ЗИДДИ СПИД

                Душанбе, 12 феврал. (АМИТ «Ховар» Жасмин Назарова). Тавре аз Вазорати тандурустии ҶТ иттилоъ доданд, дар таърихи 10-12-уми феврали соли ҷорӣ дар шаҳри Бишкеки Ҷумҳурии Қирғизистон баргузории ҷаласаи гурўҳи кории Шўрои тандурустии Иттиҳоди иқтисодии Аврупо ва Осиё (ЕврАзЭС) оид ба созмон додани Хазинаи СПИД дар Осиёи Марказӣ, дар назар дошта шудааст.                Бояд қайд намуд, ки дар ҷаласаи навбатии гуруҳи корӣ маҷмўи ҳуҷатҳо ҷиҳати созмон додани Хазинаи СПИД дар Осиёи Марказӣ таҳия гардида, ба Шўрои тандурустӣ пешниҳод карда мешаванд. Аз он ҷумла, масъалаҳои ҷойгиршавӣ, низомнома ва тартиби идоракунии Хазинаи СПИД дар Осиёи Марказӣ баррасӣ мегарданд.                Мақсад аз иштироки намояндаи Вазорати тандурустӣ дар ҷаласаи гурўҳи корӣ ҳимояи манфиатҳои Ҷумҳурии Тоҷикистон ҷиҳати ҷалби кумакҳои беруна барои мубориза бар зидди бемории СПИД дар ҷумхурӣ мебошад.