МУЛОҚОТИ Э. РАҲМОН БО САЙИДМАСЪУД МИРКОЗИМИ
Президенти Ҷумҳурии Тоҷикистон Эмомалӣ Раҳмон Вазири бозаргонии Ҷумҳурии Исломии Эрон Сайидмасъуд Миркозимиро ба ҳузур пазируфт. Дар мулоқот масоили вобаста ба густариши ҳамкориҳои иқтисодию тиҷоратии миёни ду кишвар баррасӣ шуд. Нахуст Сайидмасъуд Миркозимӣ даъвати расмии Президенти Ҷумҳурии Исломии Эрон Маҳмуди Аҳмадинажодро ба Президенти Ҷумҳурии Тоҷикистон Эмомалӣ Раҳмон оид ба иштирок дар ҷаласаи навбатии сарони давлатҳои аъзои Созмони ҳамкории иқтисодӣ (ЭКО) расонд. Ҳамчунин таъкид гардид, ки то баргузории ҷаласаи навбатии сарони давлатҳои аъзои Созмони ҳамкории иқтисодӣ (ЭКО), ки ба наздикӣ дар шаҳри Теҳрон баргузор мегардад, ба Тоҷикистон ҳамчунин Вазири дифоъ ва пуштибонӣ аз нерӯҳои мусаллаҳи Ҷумҳурии Исломии Эрон Мустафо Муҳаммад Наҷҷор ва Раиси садо ва симои ин кишвар Изатулло Зарғомӣ ташриф меоранд. Бо қаноатмандӣ зикр гардид, ки баҳри рушди ҳамкориҳои Тоҷикистону Эрон дар соҳаҳои сиёсат, иқтисод, фарҳанг ва ғайра беш аз 70 санади қарордодию ҳуқуқӣ дар сатҳу зинаҳои гуногун ба имзо расидааст. Чунонки дар сӯҳбат зикр гардид, ҳаҷми савдои миёни ду кишвар дар соли 2008 маблағи 216,2 миллион доллари амрикоиро ташкил додааст, ки ин нисбат ба ҳамин нишондоди соли 2007 қариб 80 миллион зиёд аст.Мусоҳибон тавсиаи муносибатҳои тиҷоратии сеҷонибаи миёни Тоҷикистону Эрон ва Афғонистонро низ зарур шумурданд. Таъкид гардид, ки ҳамкорӣ дар бунёди нерӯгоҳи обии Сангтӯда-2, нақбҳои мошингарди Истиқлолу Чормағзак, истеҳсоли муштараки тракторҳо ва комбайнҳои ғалладарав, мошинҳои сабукрав ва дар барқарорсозию рушди минбаъдаи бахши парандапарварии Тоҷикистон миёни ду кишвар заминаи мусоид барои густариши ҳамкориҳои гуногунҷанбаи иқтисодӣ муҳайё намудааст. Ҳамкорӣ дар ташкили дурусти кори минтақаҳои озоди иқтисодии Тоҷикистон низ мувофиқи мақсад дониста шуд. Зимни сӯҳбати пурмӯҳтаво ҳарду ҷониб ҳавасмандии худро баҳри таҳкиму густариши минбаъдаи муносибатҳои тиҷоратӣ таъкид намуданд.
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
