МУЛОҚОТИ РАИСИ ВИЛОЯТ БО ВАРЗИШГАРОН

                Хуҷанд, 3 феврал. АМИТ «Ховар», Санавбар Мақсудова). — Раиси вилояти Суғд Қоҳир Расулзода дар шаҳри Хуҷанд бо собиқадорони соҳаи варзиш, тренерҳо ва шогирдони беҳтарини онҳо — барандагони ҷоизаҳои мусобиқаҳои гуногуни ҷумҳуриявию байналхалқӣ мулоқот кард. Дар мулоқот иштирокчиёни беҳтарини мусобиқоти қаҳрамонии навбатии 17 — уми ҷумҳурӣ — роҳбарон ва аъзоёни дастаҳои футболи «Хуҷанд» ва «Парвоз» щиркат варзиданд. Раиси вилоят аз дастовардҳои варзишгарони қисмати шимолии мамлакат дар соли 2008 изҳори каноатмандӣ намуд.                 Ба ҳамаи иштирокчиёни мулоқот аз номи мақомоти иҷроияи ҳокимияти давлатии вилоят тӯҳфаҳои хотиравӣ ва мукофотҳои пулӣ супорида шуданд. Ба раиси вилоят, раиси Федератсияи футболи вилояти Суғд Қ.Расулзода барои саҳми калонаш дар пешрафти соҳаи варзиш ва тарбияи ҷисмонӣ унвони «Корманди шоистаи варзиши Тоҷикистон» дода шуд. Раиси вилоят дар фарҷоми мулоқот зикр кард, ки охири соли 2009 ба варзишгари беҳтарини вилоят дар шаҳри Хуҷанд хонаи сеҳуҷрадор мукофот дода мешавад.