МУЛОҚОТИ САФИРИ ТОҶИКИСТОН БО ОЛИМОНИ РУСИЯ

                 Маскав, 10 феврал. АМИТ «Ховар», Ҳалима Хушқадамова). — Сафири кабири Ҷумҳурии Тоҷикистон дар Федератсияи Русия Абдулмаҷид Достиев 9 феврал дар шаҳри Маскав бо олимони машҳури Русия, ки унвонҳои илмии доктори фалсафаи Академияи информатикаи Аврупоро доранд, мулоқот кард. Мулоқоти мазкур дар сафоратхонаи Тоҷикистон дар Маскав баргузор гардид. Ба гурӯҳи олимони Русия роҳбари академияи мазкур Э.Евреинов роҳбарӣ мекард.                Сафири Тоҷикистон А.Достиев зикр кард, ки чунин мулоқотҳо ба равнақу ривоҷи ҳамкории илмию гуманитарии Тоҷикистону Русия мусоидат хоҳанд намуд.                 Раиси Академияи информатикаи Аврупо Э.Евреинов ба олимон ва дипломатҳои тоҷик дар бораи ҳадафҳо ва нақшаҳои фаъолияти академия нақл намуд. Вай қайд кард, ки академия ният дорад ҳамкориро бо муассисаҳои илмии Академияи илмҳои Тоҷикистон дар оянда бештар густариш диҳад.