МУСОДИРАИ 6 ТОННА МАВОДИ НАШЪАОВАР

                 Душанбе, 11 феврал (АМИТ «Ховар», Лаззат Диловарзод).- Соли 2008 аз тарафи мақомоти қудратии кишвар аз гардиши ғайриқонунӣ зиёда аз 6 тонна маводи нашъаовар мусодира карда шудааст. Аз ҷумла (3 тоннаю 381 килограмм афъюн), 1 тоннаю 636 килограмм героин, 2 тоннаю 700 килограмм маводи нашъаовари навъи бангдона ва 173 килогграмм перекурсорҳо, ки барои тайёр кардани героин истифода мешаванд, аз қочоқчиён боздошт ва мусодира карда шудааст.                 Боиси тазаккур аст, ки аксари ин мавод ҳангоми аз сарҳад интиқол додан дарёфт ва мусодира карда шудааст.                 Ин амал мазмуни онро дорад, ки сарҳадбонони тоҷик дар нигоҳубини марзи кишвар устуворанд.