СӮХТОРИ ҶАНГАЛЗОР ДАР АВСТРАЛИЯ

                  Канберра, 9 феврал. АМИТ «Ховар» — Лента.Ру). — Дар Австралия чанд ҳафта боз сӯхтори ҷангалзор давом дорад. Ҳукуматдорон барои хомӯш кардани сӯхтор аз тамоми имкониятҳо истифода мебаранд. Теъдоди зиёди сӯхторхомӯшкунандагон, қисмҳои ҳарбӣ ва ихтиёриён ба хомӯш кардани сӯхтор сафарбар карда шудаанд. Бо вуҷуди ин то ҳол хомӯш кардани сӯхтор муяссар намегардад. Аз рӯи хабарҳои расида, дар натиҷаи сӯхтор 128 нафар ҳалок ва камаш 750 хона нобуд гардид.                   Хабар дода мешавад, ки сӯхтор аз вилоятҳои Виктория ва Уэлси ҷанубӣ оғоз ёфта, торафт бештар паҳн мегардад. Ҳаҷми зарари он то ҳол маълум нест. Яке аз сабабҳои паҳн гардидани сӯхтор ҳавои ниҳоят гарм ва муттасил тағйир ёфтани самти вазиши шамол мебошад.                  Мақомоти муҳофизи қонуни Австралия чунин мешуморанд, ки сӯхтор дар натиҷаи беэҳтиётии одамон сар задааст. Сарвазири Австралия Кевин Род изҳор намуд, ки агар гуноҳи ҷинояткорон исбот шавад, онҳо бо гуноҳи қатли омм гунаҳкор карда мешаванд. Мақомоти муҳофизи қонуни мамлакат рӯзи якшанбе ду шахси шубҳанокро дастгир намуданд.                                                                                                                                              Тарҷумон — Қудратов А.