САРДОР ҲАМ ҶИНОЯТКОР МЕШАВАД

Февраль 12, 2009 15:12

                    Душанбе, 12 феврал. (АМИТ «Ховар» Жасмин Назарова). Тавре аз Прокуратураи генералии ҶТ ба АМИТ «Ховар» хабар доданд, Р. Шарипов бо фармонҳои вазири корҳои дохилии ҶТ аз соли 2004 ба ҳайси ҷонишини сардори Шуъбаи корҳои дохилии (ШКД) ноҳияи А.Ҷомӣ ва аз соли 2007 ба ҳайси иҷрокунандаи вазифаи сардори ШКД — и ноҳияи Ҷ.Румӣ таъин гашт. Ӯ ҳамчун шахси мансабдор бо маслиҳати пешакӣ бо дигар шахсони масъули ШКД — и ҳамин ноҳия дар давраи фаъолияташ ба содир намудани ҷиноятҳои мансабӣ аз қабили баромадан аз ҳадди ваколатҳои мансабӣ, қаллобӣ, суиистифода аз ваколатҳои мансабӣ, гирифтани пора, ғайриқонунӣ дастгир намудан, қасдан расонидани зарар ба саломатӣ, муомилоти ғайриқонунӣ бо асъори хориҷӣ ва вайрон намудани дахлнопазирии манзил машғул гаштааст.                    Нисбати ин амалҳои ғайриқонунии Р. Шарипов ва ҳамдастонаш сардори зершӯъбаи тафтишот Ҷурахон Файзуллоев ва сардори хадамоти мубориза алайҳи гардиши ғайриқонуни моддаҳои нашъаовари ШКД — и ноҳияи Ҷ. Румӣ А. Ямаков, соли 2008 аз тарафи шӯъбаи тафтишотии Раёсати Агентии назорати давлатии молиявӣ ва мубориза бо коррупсияи ҶТ дар вилояти Хатлон парвандаи ҷиноятӣ кушода шуд. Дар рафти тафтишоти пешакӣ боз 7 парвандаи ҷиноятӣ нисбати ҳаракатҳои ғайриқонунӣ оғоз шуд.                   Дар рафти тафтишоти пешакӣ гуноҳи Р. Шарипов дар содир намудани ҷиноятҳои мутобиқ ба моддаи 111 к.2.б. «а», 147 к.2 б. «а,б», 247 к.2 б. «а,б,в,г», Ҷ. Файзуллоев бо моддаҳои 11 к.2 б. «в» А. Ямаков бо моддаҳои КҶ Ҷумҳурии Тоҷикистон пуррра тасдиқ и худро ёфтаанд.

Февраль 12, 2009 15:12

Хабарҳои дигари ин бахш

Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад
Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд