СОКИНИ НОҲИЯИ РӮДАКӢ БО МАВОДИ НАШЪАДОР ДАСТГИР ГАРДИД

                   Душанбе, 12 феврал. (АМИТ «Ховар», Мавҷуда Давлатзода).- Кормандони Шӯъбаи корҳои дохилии ноҳияи Сино-2 пойтахт бо гумони даст доштан ба гардиши ғайриқонунии маводи нашъадор сокини ноҳияи Рӯдакӣ Адҳам Ҳамдамови 45-соларо дастгир намуданд.                    Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки кормандони ШКД ноҳияи мазкур ҳангоми гузаронидани чораҳои фаврӣ-ҷустуҷӯӣ дар кӯчаи Б.Ғафурови пойтахт ронандаи мошини «Lexus»-ро дастгир намуданд, ки ҳангоми азназаргузарони аз ӯ қариб 0,5 килограмм героин ёфт ва мусодира гардид.                    Нисбати ҳодисаи мазкур парвандаи ҷиноӣ боз гардида, тафтиш идома дорад.