ТАҒЙИРОТУ ИЛОВАҲО БА ҚАРОРИ ҲУКУМАТ

                Душанбе, 6 феврал. (АМИТ «Ховар», Бекназари Абӯбакр). — Ба қарори Ҳукумати Ҷӯмҳурии Тоҷикистон аз 2 майи соли 2007 «Дар бораи пардохти кӯмакпулӣ ба оилаҳои камбизоат, ки кӯдаконашон дар мактабҳои таҳсилоти умумии Ҷумҳурии Тоҷикистон таҳсил менамоянд» тағйироту иловаҳо ворид карда шуд. Аз ҷумла, дар банди 1-и қарор калимаҳои «як маоши ҳадди ақал» ба калимаҳои «20 (бист) сомонӣ» ва дар қоидаҳои таъин ва кӯмакпулӣ ба оилаҳои камбизоат, ки кӯдаконашон дар мактабҳои таҳсилоти умумии Ҷумҳурии Тоҷикистон таҳсил менамоянд, банди 3 ба «Комиссияи мактабиро муовини директори мактаб роҳбарӣ намуда, аз ҳисоби аъзои комиссия як нафар котиб интихоб мегардад» иваз карда шуд.                  Инчунин, дар банди 8 калимаи «як» ба калимаҳои «50 фоизӣ», дар банди 11 калимаҳои «баробар ба ҳаҷми маоши ҳадди ақали муқарраргардида» ба калимаҳои «20 (бист) сомонӣ» иваз карда шуд. Бояд гуфт, ки дар ин бора Ҳукумати Ҷумҳурии Тоҷикистон 2 феврал қарор қабул кард.