ТОҶИКИСТОН ДАР МУЛОҚОТИ БАЙНАЛХАЛҚИИ КИНОСОЗОНИ БЕЛГРАД ШИРКАТ МЕВАРЗАД

                   Душанбе, 7 феврал. АМИТ «Ховар», Таҳмина Ғоибназарова ). — Аз 27 феврал то 1 марти соли равон дар шаҳри Белград дар доираи ҷашнвораи байналхалқии 37 — уми филмҳо мулоқоти чоруми киносозон баргузор мегардад. Тоҷикистон дар мулоқоти мазкур бори аввал иштирок менамояд. Дар мулоқот намоишномаи филми драмнависи тоҷик Сафар Ҳақдодов «Шабаҳи Ибни Лодан ё саёҳат дар ватан» ба муҳокимаи мутахассисони соҳаи кино пешниҳод карда мешавад. Намоишномаи мазкурро коргардон Носир Саидов муаррифӣ хоҳад кард.                   Мухбири АМИТ «Ховар» хабар медиҳад, ки дар мулоқоти мазкур аз 20 мамлакат 12 намоишномаи филмҳои гуногунжанр муҳокима карда мешаванд.                   Мулоқоти мазкур ба коргардонон, продюсерҳо, сармоягузорон, сарпарастон ва намояндагони вазоратҳои фарҳанг ва студияҳои кино имкон медиҳад, ки дар як ҷо ҷамъ омада, бо таҷрибаи ҳамдигар шинос шаванд, филмномаҳои ҳамдигарро муҳокима кунанд ва барои ба навор гирифтани онҳо маблағ ба даст оранд.                                                                                                                                 Тарҷумон — Қудратов А.