ТУХМИИ ПАСТСИФАТ АСОСИ КАМҲОСИЛИСТ

                 Душанбе, 21 феврал. (АМИТ «Ховар», Лаззат Диловарзод).- Бино ба иттилои сардори шӯъбаи муҳофизати растанӣ ва кишткунонии Вазорати кишоварзӣ М.Воҳидов, дар ҷумҳурӣ барои кишти баҳорӣ 37 ҳазору 500 тонна тухмии ғалладона захира карда шудааст.                 Тибқи маълумоти бозрасии давлатии тухмӣ, айни ҳол 12 ҳазор тонна тухмӣ аз санҷиши лабораторӣ гузаронида шудааст. Санчиши лабараторӣ ба 9855 тонна баҳои сифат дода, ба 2147 тонна чун тухмии пастсифат баҳогузорӣ кардааст.                 Мавриди зикр аст, ки аз тухмии пастсифат танҳо ҳосили сифатан паст гирифтан мумкин. Аз ин рӯ, Вазорати кишоварзиро зарур аст, ки хоҷагиҳои тухмипарварро зери назорати қатъӣ нигоҳ дорад ва барои баланд бардоштани сифати тухмӣ чораҳои таъхирнопазир андешад.