УСУЛҲОИ ТАБОБАТИ ВИЧ

                   Душанбе, 6 феврал. (АМИТ «Ховар», Ибодат Давлатова). — Аз 5 то 7 феврали соли ҷорӣ дар шаҳри Душанбе барои омӯзгорони тибби оилавӣ бо дастгирии техникии Лоиҳаи Потенциал/ЮСАИД дар Тоҷикистон семинар дар мавзӯъи «Сирояти ВИЧ/СПИД, ташхис, пешгирӣ ва табобат дар сатҳи кӯмаки аввалияи тиббӣ ба аҳолӣ» гузаронида мешавад.                   Аз маркази матбуоти Вазорати тандурустии Ҷумҳурии Тоҷикистон ба мухбири АМИТ «Ховар» хабар доданд, ки дар семинар намояндагони Вазорати тандурустии ҷумҳурӣ, Донишгоҳи давлатии тиббии Тоҷикистон ба номи Абӯалӣ ибни Сино, Маркази ҷумҳуриявии пешгирӣ ва мубориза бар зидди СПИД ва Ассотсиатсияи тибби оилавӣ иштирок менамоянд.                   Иштирокчиёни семинар таърих, эпидемиологияи ВИЧ, давраи ҳаёти вирус ва усулҳои табобати ВИЧ-ро муҳокима хоҳанд кард.