ҚАДАМИ ФАРХУНДАИ НАВРӮЗ

               Душанбе ,16 март. (АМИТ «Ховар», Лутфия Эшонқулова).- «Қадами фархундаи Наврӯз»- таҳти чунин унвон 18 март дар Китобхонаи бачагонаи ба номи М. Миршакар намоиши китобҳо баргузор мегардад. Дар он беш аз 50 китобу маҷалла ва мақолаҳо дар бораи таърих ва анъанаҳои Наврӯзи аҷам , ба маърази тамошо гузошта мешаванд.               Тавре ба мухбири АМИТ «Ховар» директори китобхона Қурбон Афғонов хабар дод, дар доираи намоиши китобҳо «Маҳфили дӯстдорони каломи бадеъ» бо номи «Наврӯз — баҳори орзуҳо» гузаронида хоҳад шуд. Дар он талабагони мактабҳои таҳсилоти ҳамагонии пойтахт, ки хонандагони фаъоли китобхонаи бачагона мебошанд, иштирок менамоянд.               Намоиш то 25 март давом меёбад.