ҲАМКОРИИ СААД ВА СОЗМОНИ БАЙНАЛХАЛҚИИ МУҲОҶИРАТ ГУСТАРИШ МЕЁБАД

                     Маскав, 25 март. (АМИТ «Ховар», Ҳалима Хушқадамова). — Дар шаҳри Маскав мулоқоти Муншии умумии Созмони аҳдномаи амнияти дастаҷамъӣ Николай Бордюжа ва директори генералии Созмони байналмилалии муҳоҷират Вилям Лейси Свинг баргузор гардид. Онҳо зимни сӯҳбат изҳор доштанд, ки ҳамкории ҳар ду созмон барои ҳалли проблемаҳои мавҷуда бомуваффақияту самарабахш густариш меёбад. Миёни ҳар ду созмон аз моҳи июли соли 2008 бо имзои протоколи ҳамкорӣ оғоз ёфта буд.                      Н.Бордюжа зикр кард, ки Созмони байналхалқии муҳоҷират аз проблемаҳои мавҷудаи ин соҳа ба хубӣ огоҳ мебошад, СААД барои ҳалли ин проблемаҳо имкониятҳои хуби амалӣ дорад. Дар СААД умедворанд, ки Созмони байналмилалии муҳоҷират барои ба роҳ андохтани ҳамкорӣ бо Иттиҳоди Аврупо кӯшиш ба харҷ хоҳад дод.  Ҳадафи ин иқдом таҳти назорат гирифтани тамоми роҳу воситаҳои муҳоҷирати ғайриқонунӣ дар мамлакатҳои ҷаҳон мебошад. Директори генералии Созмони байналхалқии муҳоҷират дар бораи фолияти созмон маълумолт дода, зикр намуд, ки бо мақсади беҳтар сохтани ҳамкории ҳар ду созмон ба ҳамаи давлатҳои аъзои онҳо сафар хоҳад кард.